د دُنیا بې ثباتی
ځنې عالمان دنیا د عقبیٰ توخہ ګڼی
ښہ دہ ښہ دہ دا دنیا
چې توښہ دہ د عقبیٰ
خو حافظ دنیا تہ پہ ښہ نظر نۂ ګوری ۔ پہ ډېرو ځایونو کښې پہ خپل کلام کښې غندلې دہ ۔ حافظ دنیا یو جبہ ګڼی چې څوک یو ځل پہ دې کښې ګېر شو بیا ډوبیږی ځی او لۂ دی نہ بہ شاہ دے کہ ګدا دے خالی لاسونہ ځی ۔ راځئ د حافظ خیالاتو تہ ګورو چې ھغہ پہ دې حقلہ څۂ وائی ۔
کہ څوک پہ خوب پہ قزوخز ، کیمخاب بخمل کہ
لہ خوب رو سرہ ھمخواب وی تېر بہ ئې واک شې
فرد بہ درومې بې نوکر چاکر و ګور تہ
کۂ ئې لاندې فارس روم تر فرمان واک شی
دا دنیا وار نۂ کړی قرار د نېکۍ کار کوہ تل
لہ تانہ ډېر خاورو کښې ګېر ښائسہ ځوانان پراتۂ دی
چې بہ لښکر د بحروبر ورتہ پہ در ولاړ وۂ
ھغہ اوس خوار لکہ نیستګار پہ ډېر ارمان پراتۂ دی
جدا جدا بندی تنھا د مرګ ضابط د لاسہ
پہ حال زبون د فریدون غوندې شاھان پراتۂ دی
پاتی دنیا اخر لۂ تا د خداے رضا کړہ مدام
پہ سکرات کښې کښې خطرات پہ څو شان پراتۂ دی
خود بہ نیمګړے د ھړ چانہ دا جھان پاتې شی
نۂ بہ پہ دې دنیا کښې تاج د یو سلطان پاتې شی
کۂ څوک بادشاہ شی د دنیا بازار ترې پاتې وینم
لکہ ریدے بہ ترمې ترمې پہ بیابان پاتې شې
نہ بہ فلک نۂ بہ ملک بہ عالم وی مدام
نہ بہ امیر نہ بہ فقیر نہ بہ زوړ ځوان پاتې شی
باد د ھجران پہ ھر مقام باندې دائیم او ګڼہ
پہ زړیو ګلو تل بہ وفد د خزان پاتې شی
څۂ چې پېدا دی پہ دنیا دا بہ فنا شی واړہ
فقط یو نوم بہ پہ دنیا د پاک سبحان پاتی شی
څو بہ مغرور پہ تکبر ګرځې پہ حب د دنیا
پہ ځنکدن کښې بہ د ھر سړی ارمان پاتې شی
دنېک عمل ارمان بہ ھلتہ نېک بندہ لہ ورشی
چې د لحد پہ بیچاونړو باندې حېران پاتې شی
اخر ځاے دې تنګ تاریک لحد خراب دے
آراستہ پہ پہ نګارنقش محل څۂ کړې