امینﷲ داؤدزے
د امینﷲ داؤدزی نوم امان ﷲ خان مور پلار اېښودے وۂ ۔ خو پہ سکول کښې د داخلې پہ وخت سھواِ استاد امینﷲ اولیکۂ ۔ داسې امینﷲ داؤدزے دامان ﷲ نہ امینﷲ شو ۔ د پلار نوم ئې فرید خان الکوزے دے ۔ د امینﷲ تاریخِ پېدائش دے ۱۰ستمبر ۱۹۴۰ ء پہ قام داؤدزے دے ۔ د کلی نوم ئې دے چغرمټۍ ۔ پرائمری تعلیم ئې پہ کلی کښې حاصل کړو۔ لسم جماعت ئې پہ کال ۱۹۵۸ کښې د متھرہ سکول نہ پاس کړو او ګرېجوېشن پہ کال ۱۹۶۲ کښې د ګورنمنټ کالج پېښور نہ اوکړو۔ اولنے ملازمت ئې پہ اکسائز ایندتکسېشن پہ محکہ کښې اوشو چې ډېر زر ئې پرېښود ۔ بیا پہ انګرېزی اخبار خېبرمېل کښې د نائب مدیر مقرر شو خو دا ملازمت ئې ھم ترک کړو ۔ پہ کال ۱۹۶۵ء کښې پہ رېډیو پاکستان کوئټہ کښې ډېوټی افسر شو ۔ لہ دغہ ملازمت کښې ئې زړۂ اولږېد او پنشن ئې واخست ۔ د امینﷲ د کتابونو تعداد لس دي ۔ نومونہ ئې ورلہ داسې خوښ کړي دي چې د چې یو نظم شکل جوړ
شو ےدے
دا زما او ستا قیصہ دہ
څومرہ لویہ المیہ دہ
څۂ غمژنہ حادثہ دہ
ائینہ کښې نندارہ دہ
د ازل نہ چې کږہ دہ
پہ صحرا خورہ ټپہ دہ
دا سراب کہ وسوسہ دہ
د قیصې شاتہ قیصہ دہ
لا مې ځوانہ ولولہ دہ
د خاکو یو مجموعہ دہ
د امینﷲ پہ شاعرۍ کښې د حسن عشق خبرې دې خو پہ نوې انداز کښې ۔ پہ غزل د کلاسکیت او د روایت اثرات نۂ لیدے کېږی ۔ د جدا طرز ادا څختن دے ۔
ښہ پہ خندا پہ خوشحالو راغلو
ستا پہ جلب کښې چې ترڅو راغلو
مونږہ تڼاکي تاتہ نۂ ښودلې
ځکہ خو پښې ابلہ پہ ازغو راغلو
لا مو پہ مخ د ګوتو نخښې شتہ دے
بیا دې کوڅې لہ پہ جرګو راغلو
د ھر کلی طمع بہ ولې نۂ کړو
نن پہ حساب د مېلمنو راغلو
رنځوران کلہ پوښتنہ اوځی
ګورہ مونږ څۂ پہ تلوسو راغلو
تۂ ځان پہ خپلو کۂ پردو کښې ګڼې
مونږ خو ھم تالہ پہ ګیلو راغلو
مۂ خفہ کېږہ پہ ځان پوې نۂ شولو
بس پہ خبرو ًپہ قیصو راغلو
چې د یار پہ دیدن څۂ کا سترګې خار خار
تر لمنې ګریوان لاړو قمیص تار تار
ړوند زړګے مې نۂ پہ لار نۂ پہ ګړنګ دے
چې ئی ستا کلی تہ مخ شی ھغہ لار لار
د وصال پہ سزا جوړہ تماشہ دہ
خلقې چغې سورې کړي ھلئ دار دار
د لیندې مخہ دې مۂ وړہ بیا راولہ
تېر و بېر غشی ترې وتی ځیګر غار غار
زۂ د وار خبر نۂ کوم خو وار کړہ
پردی تل بې درېغہ وار کړی یار پہ وار وار
د زړګی د ځیل بہ څۂ وايم عالمہ
چې لېلیٰ پرې خفہ کېږی ھلتہ کار کار
ستا منمہ اے زما د ژوند ملګریا
د لېلیٰ غمہ رادرومہ تانہ جار جار