ډاکټر خالق زیار
ډاکټر خالق زیار پہ کال ۱۹۵۶ ء کښې پہ ملاکنډ دویژن کښې پہ سدراج یوړ کلی کښې پېدا شو ۔ تر لسم جماعت پورې تعلیم ئی پہ مقامی سکولونو کښې حاصل کړو ۔ دولسم ئی د اېډورډ کالج نہ اوکړو ۔ د ډاکټرۍ سند ئې د افغانستان نہ تر لاسہ کړو ۔
ډاکټر خالق زیار د باچا خان پېروکار دے ۔ ھغہ یو شاعر ، دانشور او سوشل ورکر دے ۔ د شاعرۍ سرہ مینہ د رحمت شاہ سائل سرہ پہ دکان د ناستې پاستې نہ پېدا شوہ ۔ ډاکټر خالق زیار ، رحمت شاہ سائل او صاحب شاہ صابر د نیزدې ملګری دی خو ډاکټر خالق پہ نسبت د دواړو ډیر محتاط او د میعار قائل وۂ ۔ دھغۂ چاپ کتابونو دا دي ۔ تلوسي ، دا خلق او دا خاؤرې ، د پښتون بغاوتونہ ، د خلیل جبرا ن د کتاب brokin wings ترجمہ او اخری شعری مجموعہ جګہ شملہ ۔ د ملاکنډ ادبی او کلتوری جرګې بنیاد ډاکټړ خالق زیار اېښے وۂ ۔ ډاکټر خالق زیار نظم او غزل دواړہ لیکی ۔ د شاعرۍ موضوعات ئې دي مینہ ، قام پرستی ، سماجی شعور او پښتون ولی غزل لیکلو سرہ ئې انصاف کړے دے ۔ د غزل ئې دا نمونې اوګورئ
ھم ئې بېرہ دہ ساتلې ھم ئې ټال دے
راشہ ستا لېونے اوس ھم پہ خپل حال دے
داسې زر ترې جوړ کړی یو څۂ کلہ بل څۂ
تۂ بہ وائې زرۂ مې خټہ یار قولال دے
زۂ پښتون یم تۂ ښائستہ ئې دا پورہ دہ
پہ دنیا کښې خو جلال دے یا جمال دے
شاہ د پنجو پہ سر تلۂ مې زړۂ پرېباسی
مشران وائی چې کبر لہ زوال دے
یو د مینې پہ سر جګہ شملہ ګرځی
ګنی نور پہ شتمنۍ کښې زیار کنګال دے
کۂ یو جنت تہ ځو ھم خو رښتیا خبرہ دا دہ
زما لارہ جدا دہ د مُلا لارہ جدا دہ
چې خال ئې د تندی نۂ شی نکریزې د لاسونو
دا مینہ ئې زړۂ نورہ د کوم مرض دوا دہ
ویشتلے چې ئې ھر ځلې د سترګو پہ ګولو یم
ختلې مې خلې نہ ورتہ ھر ځلي دعا دہ
لہ زورہ کہ زرۂ د ماتېدو چرتہ خبر شوې
د سر پہ ماتېدو بہ شکر اوباسې فرھادہ
زاھدہ پہ جنت کښې بہ پرانستې تڼۍ ګرځم
تړلې مې ټول عمر د خوارانو سرہ ملا دہ