دیدار یوسفزے
د یوسف زی اصلی نوم فضل رحیم دے ۔ د پلار نوم مغفور شاہ کلے کالاکلے کبل سوات دے۔ ابتدائی تعلیم ئې پہ خپل کلی کښې تر سرہ کړو ۔ fsc ئې پہ کراچۍ کښې اوکړہ پہ ۱۹۹۳ء کښې ئې د خېبر مېډیکل کالج نہ د ايم بی بی اېس ډګری تر لاسہ کړہ ۔ اولنے پوسټنګ پہ رېډی ریډینګ ھسپتال پېښور کښې اوشو بیا ئې دولس کالہ د ګورنمنټ ھسپتال کبل سوات کښې خپل فرائض تر سرہ کړۂ د ھغې نہ ورستو ئې کنېډې تہ مخہ اوکړہ نن صبا پہ کنېډا کښې ژوند کوی . کوم خلق چې پہ یورپ او کنېډا کښې ژوند تېراول غواړی د ھغوی لارې پہ رضاکارانہ طور سمہ وی۔ ډاکټر دیدار یوسفزے د شپږو کتابونو مصنف دے چې ټول د شاعرۍ مجموعې دی ۔ د نثر یو کتاب ارادہ لری ۔ د کتابونو نومونہ پہ دې ډول دي ۔ اولنے کتاب تورې خاورې کال ۱۹۹۵ء ،ژوندے وزرپہ کال ۱۹۹۹ء ، راښکلی غشی ۲۰۰۰ء ، نسکورې لپې (ھائیکو ) ،
زما پہ فہم بہ ستا وخت ضائع شی
د دروغژنو رښتینې ګرانہ دہ
پہ ما ژوند چیندخان څۂ لہ تلې
تالہ مېدان ۲۰۰۲ء
دیدار یوسف زے نظم ھم ډېر ښکلے لیکی دا یوہ قطعہ
خپلې منترې دې پہ ځان پُوکہ
وېخ شۂ پښتون د ملازې نہ اووت
لکہ پاړو نور دې بیم مۂ غږوہ
لاړۂ ښامار د اجازې نہ اووت
د دیدار یوسف زی شاعری د نوی دور شاعری دہ چې پکښې رومان ، د معاشرې مسائل او پښتون قام زبون حالۍ خاص موضوعات دی ۔ لہجہ ئې خوږہ پستہ او روانہ دہ
پرانستے لاس دې لا پہ در پاتې یم
پہ خپل مقام لکہ د ور پاتې یم
پہ یو روان نظر ئې اولوستمہ
جانان تہ څومرہ مختصر پاتې یم
تۂ نوے کال یې پہ خپل وخت بہ راځې
زۂ څو ماښامہ دسمبر پاتې یم
یاران مې لارہ پہ ھنر بدلوی
زۂ ترې پہ لارہ پہ ھنر پاتې یم
د یو دیدار د کېفیت سرور یم
د لفظ د شرحې نہ بھر پاتې یم